ఐపీల్ 2026 లో మరో సమరానికి సిద్ధం అవుతున్న రాజస్థాన్ రాయల్స్ – గుజరాత్ టైటాన్స్

RR vs GT: రాజస్థాన్‌కు డూ ఆర్ డై మ్యాచ్.. గుజరాత్‌ను ఆపగలదా?

రాజస్థాన్ తప్పక గెలవాల్సిందే… లేకపోతే మళ్లీ అదే నిరాశే !
జైపూర్ లో ఈరోజు రాత్రి జరగబోతున్న మ్యాచ్ ఉత్కంతంగా ఉండబోతుంది అభిమానుల గుండెల్లో భయం, ఆశలు, ఒత్తిడి… అన్నీ కలిసిన భారీ పోరు
ఇది ఒక సాధారణ ఐపీల్ మ్యాచ్ కాదు… అభిమానుల గుండెల్లో రైళ్లు పరుగెత్తించే యుద్ధం

రాజస్థాన్ రాయల్స్‌కు ఇది సాధారణ మ్యాచ్ కాదు… గుండెల్లో దడ పెట్టే పరీక్ష!

ఐపీఎల్ సీజన్ చివరి దశకు చేరుకుంటున్న కొద్దీ ప్రతి మ్యాచ్ విలువ పెరుగుతోంది. కానీ ఈరోజు జరుగబోయే రాజస్థాన్ రాయల్స్ – గుజరాత్ టైటాన్స్ పోరు మాత్రం కేవలం రెండు పాయింట్ల కోసం కాదు… ఒక జట్టు భవిష్యత్తు కోసం జరుగుతున్న యుద్ధంలా కనిపిస్తోంది.
ఒక్కసారి గత రెండు సీజన్లను గుర్తు చేసుకోండి. రాజస్థాన్ రాయల్స్ ప్రారంభంలో అద్భుతంగా ఆడి అభిమానులను ఆశల్లో ముంచేసింది. టాప్‌లో దూసుకెళ్లింది. కానీ సీజన్ మధ్యలో ఒక్కసారిగా ఊపును కోల్పోయి వరుస ఓటములతో ప్లేఆఫ్స్ అవకాశాలను చేజార్చుకుంది. అదే కథ ఇప్పుడు మళ్లీ పునరావృతమవుతుందేమో అన్న భయం అభిమానుల హృదయాల్లో మొదలైంది.

“మంచి స్టార్ట్ ఇచ్చి… చివర్లో ఎందుకు కూలిపోతాం?”

ఎందుకంటే రాజస్థాన్ అభిమానులకు ఒక భయం చాలా కాలంగా వెంటాడుతోంది.

“మంచి స్టార్ట్ ఇచ్చి… చివర్లో ఎందుకు కూలిపోతాం?”

ఈ ప్రశ్న వాళ్లను రెండు సంవత్సరాలుగా వదలడం లేదు.

2023లో కూడా అదే జరిగింది. మొదట్లో అద్భుత ప్రదర్శనలు. టాప్‌లో నిలిచిన జట్టు. అందరూ కప్ ఫేవరెట్ అన్నారు. కానీ ఒక్కసారిగా జట్టు రిథమ్ కోల్పోయింది. వరుస ఓటములు వచ్చాయి. చివరికి ప్లేఆఫ్స్ కూడా దూరమయ్యాయి. 2024లో కూడా అదే కథ మళ్లీ జరిగింది. అభిమానులు ఆశలు పెట్టుకున్న ప్రతిసారీ… జట్టు చివర్లో చేతులెత్తేసింది. ఇప్పుడు 2026 సీజన్‌లో కూడా అదే పరిస్థితి కనిపించడం వాళ్లను మళ్లీ భయపెడుతోంది.

ఏప్రిల్‌లో అజేయంగా కనిపించిన రాజస్థాన్

ఏప్రిల్ మొదటి వారాల్లో రాజస్థాన్ ఆడిన తీరు చూస్తే నిజంగా ఎవరికైనా ఆశ్చర్యమే. పవర్‌ప్లేలో బ్యాటర్లు దాడి చేశారు. బౌలర్లు ప్రత్యర్థులను కట్టడి చేశారు. జట్టు మొత్తం చాలా బ్యాలెన్స్‌గా కనిపించింది.

“ఈసారి మాత్రం రాజస్థాన్‌ను ఎవరూ ఆపలేరు” అని సోషల్ మీడియాలో ఫ్యాన్స్ పోస్టులు పెట్టారు.

కానీ క్రికెట్ అందుకే ప్రమాదకరమైన ఆట. ఒక్క రెండు మ్యాచ్‌లు చాలు… మొత్తం వాతావరణం మారిపోతుంది.

జైపూర్ మైదానం ఇప్పుడు రాజస్థాన్‌కు టెన్షన్

రెండు ఓటముల తర్వాత రాజస్థాన్ జట్టులో ఆ ఆత్మవిశ్వాసం కొంచెం తగ్గిపోయినట్టు కనిపించింది. ఒక మ్యాచ్‌లో బ్యాటింగ్ ఫెయిల్ అయితే… మరో మ్యాచ్‌లో బౌలింగ్ కూలిపోయింది.

ముఖ్యంగా జైపూర్ మైదానం వాళ్లకు ఇప్పుడు భయంగా మారింది. ఎందుకంటే ఈ సీజన్‌లో అక్కడ భారీ స్కోర్లు కూడా సేఫ్ కావడం లేదు. 225, 228 లాంటి స్కోర్లు కూడా సులభంగా ఛేజ్ అవుతున్నాయి.

ఇది రాజస్థాన్ బౌలర్లకు పెద్ద టెన్షన్.

ఆర్చర్ ఒక్కడే పోరాడుతున్నాడా?

జోఫ్రా ఆర్చర్ తప్ప మిగతా బౌలింగ్ యూనిట్ పెద్దగా ప్రభావం చూపడం లేదు. నాండ్రే బర్గర్ ఫామ్ ఒక్కసారిగా పడిపోయింది. రవి బిష్ణోయ్ మునుపటి మ్యాజిక్ కనిపించడం లేదు.

ప్రతి ఓవర్ తర్వాత కెప్టెన్ రియాన్ పరాగ్ ముఖంలో కనిపిస్తున్న టెన్షన్ ఇప్పుడు అభిమానులకు కూడా అర్థమవుతోంది. ఎందుకంటే ఈ జట్టు ఓడిపోతే… పాయింట్స్ టేబుల్‌లో పరిస్థితి ప్రమాదకరంగా మారుతుంది.

ఈ మ్యాచ్ ఓడిపోతే… వారం రోజుల టెన్షన్

ఈ మ్యాచ్ తర్వాత మరో వారం గ్యాప్ ఉంది. అంటే ఓడిపోతే… రాజస్థాన్ అభిమానులు వారం రోజుల పాటు ఇతర జట్ల ఫలితాలు చూసుకుంటూ టెన్షన్ పడాల్సి వస్తుంది.

అదే వాళ్లు కోరుకోవడం లేదు.

ఎందుకంటే ఈ జట్టు మీద అభిమానుల ప్రేమ చాలా ఎక్కువ. ఓటమిని వాళ్లు భరిస్తారు. కానీ ఆశ చూపించి చివర్లో కూలిపోవడాన్ని మాత్రం భరించలేరు.

ప్రశాంతంగా కనిపిస్తున్న గుజరాత్… కానీ చాలా ప్రమాదకరం

అయితే మరోవైపు గుజరాత్ టైటాన్స్ చాలా ప్రశాంతంగా కనిపిస్తోంది. ఇదే వాళ్ల బలం.

ఈ జట్టు ఎక్కువ హడావుడి చేయదు. కానీ మెల్లగా మ్యాచ్‌ను తమ వైపు తిప్పుకుంటుంది. కొత్త బంతితో వికెట్లు తీస్తుంది. మధ్య ఓవర్లలో పరుగులు ఆపేస్తుంది. తర్వాత బ్యాటర్లు ఒత్తిడి లేకుండా మ్యాచ్ ముగిస్తారు.

ఈ సీజన్‌లో వాళ్ల విజయాలన్నీ దాదాపు ఇదే పద్ధతిలో వచ్చాయి.

సిరాజ్ – రబడా జోడీ ఇప్పుడు అసలు భయం

ముఖ్యంగా మహ్మద్ సిరాజ్, కగిసో రబడా జోడీ చాలా ప్రమాదకరంగా మారింది. పవర్‌ప్లేలోనే మ్యాచ్‌ను మార్చేస్తున్నారు.

రబడా ఈ సీజన్‌లో ఎక్కువ ఓవర్లు పవర్‌ప్లేలో వేసి 11 వికెట్లు తీసుకున్నాడు. అతని బౌలింగ్ చూస్తుంటే ప్రతి బంతిలో వికెట్ తీసే ఆగ్రహం కనిపిస్తోంది.

రాజస్థాన్ టాప్ ఆర్డర్ మొదటి ఆరు ఓవర్లు బతికి బయటపడితేనే మ్యాచ్‌లో నిలబడగలదు. లేకపోతే గుజరాత్ బౌలర్లు ఒత్తిడి పెంచేస్తారు.

ధృవ్ జురెల్‌పై పెరుగుతున్న ప్రశ్నలు

ఈ మ్యాచ్‌లో మరో పెద్ద చర్చ ధృవ్ జురెల్ గురించే.

అతను టాలెంటెడ్ ప్లేయర్ అని ఎవరూ డౌట్ చేయరు. కానీ ఈ సీజన్‌లో స్పిన్ ఎదుట అతను చాలా ఇబ్బంది పడుతున్నాడు. మధ్య ఓవర్లలో వేగం పెంచాల్సిన సమయంలో అతను డాట్ బాల్స్ ఎక్కువ ఆడుతున్నాడు.

అదే రాజస్థాన్‌కు మైనస్ అవుతోంది.

గుజరాత్ ఇప్పటికే దీన్ని గమనించింది. అందుకే రషీద్ ఖాన్‌ను ముందుగానే బౌలింగ్‌కు తీసుకురావాలని ప్లాన్ చేస్తున్నట్టు సమాచారం.

అభిమానులకు ఆశ చూపిస్తున్న వైభవ్ సూర్యవంశీ

అయితే రాజస్థాన్ అభిమానులకు ఆశ కలిగించే విషయం కూడా ఉంది.

అదే వైభవ్ సూర్యవంశీ.

గత ఏడాది ఇదే గుజరాత్‌పై అతను ఆడిన ఇన్నింగ్స్ ఇప్పటికీ అభిమానుల మదిలో ఉంది. కేవలం 35 బంతుల్లో సెంచరీ కొట్టిన ఆ రాత్రి… సోషల్ మీడియా మొత్తం అతని పేరుతో మార్మోగిపోయింది.

చిన్న వయసులోనే అంత ధైర్యంగా ఆడటం చూసి అందరూ ఆశ్చర్యపోయారు. ఇప్పుడు మళ్లీ అదే ప్రత్యర్థి ముందు అతను బ్యాటింగ్‌కు రావడం అభిమానుల్లో ఉత్సాహాన్ని పెంచుతోంది.

జైపూర్ ప్రేక్షకులు సమాధానం కోసం ఎదురుచూస్తున్నారు

జైపూర్ ప్రేక్షకులు ఈరోజు స్టేడియానికి కేవలం మ్యాచ్ చూడటానికి రావడం లేదు. వాళ్లు ఒక సమాధానం కోసం వస్తున్నారు.

“ఈసారి రాజస్థాన్ నిజంగా మారిందా?”

అదే ప్రశ్న.

ప్రతి సీజన్ మొదలయ్యేప్పుడు అభిమానులు ఆశలు పెంచుకుంటారు. యువ ఆటగాళ్లు, దూకుడు బ్యాటింగ్, ఫైట్ చేసే ఆటతీరు… ఇవన్నీ వాళ్లను రాజస్థాన్‌కు దగ్గర చేస్తాయి.

కానీ చివర్లో వచ్చే నిరాశ వాళ్లను మళ్లీ బాధపెడుతుంది.

ఇది కేవలం రెండు పాయింట్ల కోసం కాదు

అందుకే ఈ మ్యాచ్ రాజస్థాన్‌కు చాలా ముఖ్యమైనది.

ఇది కేవలం రెండు పాయింట్ల కోసం కాదు.
ఇది అభిమానుల నమ్మకం కోసం.
ఇది గత రెండు సంవత్సరాల బాధను తుడిచేయడానికి.
ఇది “మేము మారాం” అని నిరూపించడానికి.

గుజరాత్ ఎందుకు ఛాంపియన్ జట్టులా కనిపిస్తోంది?

మరోవైపు గుజరాత్ టైటాన్స్ మాత్రం ఈ మ్యాచ్‌తో తమ వైపు తిప్పు కోవాలనిచూస్తోంది.

శుభ్‌మన్ గిల్ ప్రశాంతమైన కెప్టెన్సీ, సాయి సుదర్శన్ స్థిరమైన బ్యాటింగ్, రషీద్ ఖాన్ అనుభవం… ఈ జట్టును చాలా ప్రమాదకరంగా మార్చాయి.

వాళ్లు ఒత్తిడిని బయటకు చూపించరు. కానీ ప్రత్యర్థిపై నెమ్మదిగా పట్టు బిగిస్తారు. అదే రాజస్థాన్‌కు అసలు పరీక్ష.

ఈ రాత్రి జైపూర్‌లో భావోద్వేగాల తుఫాన్

ఈ రాత్రి జైపూర్‌లో కేవలం బ్యాట్, బాల్ మధ్య పోరు మాత్రమే జరగదు.

ఒకవైపు భయం ఉంటుంది.
మరోవైపు ఆశ ఉంటుంది.
ఒకవైపు గతం వెంటాడుతుంది.
మరోవైపు భవిష్యత్తు పిలుస్తుంది.

స్టేడియంలో ప్రతి సిక్స్‌కు అరుపులు వినిపిస్తాయి. ప్రతి వికెట్‌కు గుండెలు ఆగిపోతాయి. చివరి ఓవర్ వరకు ఎవరి అభిమానులు ప్రశాంతంగా కూర్చోలేరు.

ఇదే ఐపీఎల్ మాయ.
ఇదే క్రికెట్ భావోద్వేగం.
ఇదే ఈరోజు రాజస్థాన్ – గుజరాత్ మ్యాచ్ ప్రత్యేకత.

గుజరాత్ టైటాన్స్ స్క్వాడ్ 🔥
Shubman Gill (కెప్టెన్)Sai Sudharsan ,Jos Buttler (వికెట్ కీపర్),Nishant Sindhu,Washington Sundar,Jason Holder,Arshad Khan,Rashid Khan,Kagiso Rabada,Mohammed Siraj,Manav Suthar,Rahul Tewatia,Glenn Phillips,Anuj Rawat,Kulwant Khejroliya,Kumar Kushagra,Ishant Sharma,Shahrukh Khan,Jayant Yadav,Luke Wood,Prasidh Krishna,Gurnoor Brar,Ashok Sharma,Connor Esterhuizen,Ravisrinivasan ,Sai Kishore,

రాజస్థాన్ రాయల్స్ స్క్వాడ్
Yashasvi Jaiswal,Vaibhav Sooryavanshi,Dhruv Jurel (వికెట్ కీపర్),Riyan Parag (కెప్టెన్),Ravindra Jadeja,Donovan Ferreira,Shubham Dubey,Jofra Archer,Ravi Bishnoi,Nandre Burger,Brijesh Sharma,Adam Milne,Dasun Shanaka,Ravi Singh,Yash Raj Punja,Tushar Deshpande,Sandeep Sharma,Shimron Hetmyer,Kuldeep Sen,Sushant Mishra,Yudhvir Singh Charak,Kwena Maphaka,Lhuan-dre Pretorius.Vignesh Puthur,Aman Rao Perala